II Regum 20:3-5

Biblia Sacra Vulgata

³ Obsecro, Domine: memento, quaeso, quomodo ambulaverim coram te in veritate, et in corde perfecto, et quod placitum est coram te fecerim. Flevit itaque Ezechias fletu magno.

⁴ Et antequam egrederetur Isaias mediam partem atrii, factus est sermo Domini ad eum, dicens:

⁵ Revertere, et dic Ezechiae duci populi mei: Haec dicit Dominus Deus David patris tui: Audivi orationem tuam, et vidi lacrimas tuas, et ecce sanavi te: die tertio ascendes templum Domini.