Psalmi 99

Biblia Sacra Vulgata

99 Psalmus in confessione.

² Jubilate Deo, omnis terra; servite Domino in laetitia. Introite in conspectu ejus in exsultatione.

³ Scitote quoniam Dominus ipse est Deus; ipse fecit nos, et non ipsi nos: populus ejus, et oves pascuae ejus.

⁴ Introite portas ejus in confessione; atria ejus in hymnis: confitemini illi. Laudate nomen ejus,

⁵ quoniam suavis est Dominus, in aeternum misericordia ejus, et usque in generationem et generationem veritas ejus.