યશાયા 55

Gujarati: પવિત્ર બાઈબલ

⁵ “તેમે પણ અજાણી પ્રજાઓ પર અધિકાર ચલાવશો.
    અને તે પ્રજાઓ તમારી પાસે દોડી આવશે.
કારણ કે ઇસ્રાએલના પરમ પવિત્ર યહોવાએ
    તમારું સન્માન કર્યું છે.”
⁶ યહોવા મળે એમ છે
    ત્યાં સુધીમાં તેને શોધી કાઢો,
તે નજીક છે
    ત્યાં સુધીમાં તેને બોલાવો.
⁷ દુષ્ટ માણસો પોતાના દુષ્ટ આચરણોનો ત્યાગ કરે;
    અને પાપીઓ પોતાના પાપી વિચારો છોડી દે;
તેઓ યહોવા પાસે પાછા ફરે;
    તે તેમના પર દયા કરશે;
આપણા દેવને ચરણે પાછા વળો;
    તે પૂરી માફી આપશે.

¹⁰ “જેમ વરસાદ અને બરફ આકાશમાંથી આવે છે,
    અને ધરતીને જળથી સીંચ્યા વગર પાછા વળતા નથી;
તેથી જ ધરતી ફૂલેફાલે છે
    અને વાવવા માટે બીજ અને ખાવા માટે અનાજ આપે છે.
¹¹ તે જ રીતે મારા વચનો મારા મુખમાંથી નીકળે છે
    અને હંમેશ ફળ આપે છે.
મારી ઇચ્છા પ્રમાણે તે કાર્ય પૂરું કર્યા વગર
    અને મેં સોંપેલું કાર્ય સિદ્ધ કર્યા વિના એ પાછો ફરતો નથી.”

¹² “તમે બાબિલમાંથી આનંદપૂર્વક નીકળી પડશો
    અને સુરક્ષિત રીતે તમને દોરી લઇ જવામાં આવશે.
તમારી આગળ પર્વતો અને ડુંગરો આનંદના પોકારો કરીને
    અને જંગલના વૃક્ષો તાળીઓ પાડીને તમને આવકારશે.
¹³ એક વખતે જ્યાં કાંટા-ઝાંખરા હતા,
    ત્યાં દેવદાર અને મેંદી ઊગી નીકળશે.
આ પરાક્રમને કારણે યહોવાના નામનો મહિમા અમર થશે.
    તે શાશ્વત સ્મારકરૂપ પરાક્રમ અને ક્યારેય ન ભૂંસાય તેવી નિશાની થશે.”