Ecclesiastico 7:32-36

Magandang Balita Biblia (with Deuterocanon)

³² Maging bukas-palad ka sa mahihirap,
    nang maging ganap ang pagpapala sa iyo ng Panginoon.
³³ Magmagandang-loob ka sa mga buháy,
    at huwag mong ipagkait ang tulong mo sa mga patay.
³⁴ Makiramay ka sa mga naulila ng isang mahal sa buhay,
    at makidalamhati ka sa kanila.
³⁵ Huwag mong kaliligtaan ang pagdalaw sa mga maysakit,
    sapagkat kapag ginawa mo ito, mamahalin ka nila.
³⁶ Anuman ang gawin mo, alalahanin mo ang iyong huling hantungan
    at hindi ka magkakasala.