Genesis 4:13-15

Biblia Sacra Vulgata

¹³ Dixitque Cain ad Dominum: Major est iniquitas mea, quam ut veniam merear.

¹⁴ Ecce ejicis me hodie a facie terrae, et a facie tua abscondar, et ero vagus et profugus in terra: omnis igitur qui invenerit me, occidet me.

¹⁵ Dixitque ei Dominus: Nequaquam ita fiet: sed omnis qui occiderit Cain, septuplum punietur. Posuitque Dominus Cain signum, ut non interficeret eum omnis qui invenisset eum.