Genesis 4:6-8

Biblia Sacra Vulgata

⁶ Dixitque Dominus ad eum: Quare iratus es? et cur concidit facies tua?

⁷ nonne si bene egeris, recipies: sin autem male, statim in foribus peccatum aderit? sed sub te erit appetitus ejus, et tu dominaberis illius.

⁸ Dixitque Cain ad Abel fratrem suum: Egrediamur foras. Cumque essent in agro, consurrexit Cain adversus fratrem suum Abel, et interfecit eum.