લૂક 9:18-21

Gujarati: પવિત્ર બાઈબલ

ઈસુ જ ખ્રિસ્ત છે

(માથ. 16:13-19; માર્ક 8:27-29)

¹⁸ એક વખત ઈસુ એકાંતમાં પ્રાર્થના કરતો હતો. તેના શિષ્યો ભેગા થઈને ત્યાં આવ્યા. ઈસુએ તેઓને પૂછયું, “હું કોણ છું તે વિષે લોકો શું કહે છે?”

¹⁹ શિષ્યોએ ઉત્તર આપ્યો, “કેટલાએક લોકો કહે છે કે તું યોહાન બાપ્તિસ્ત છે. બીજા કેટલાએક કહે છે તું એલિયા છે અને કેટલાએક લોકો કહે છે; તું પ્રાચિન પ્રબોધકોમાંનો એક છે અને ફરી સજીવન થઈને આવ્યો છે.”

²⁰ પછી ઈસુએ તેના શિષ્યોને કહ્યું, “અને હું કોણ છું એ વિષે તમે શું કહો છે?”

પિતરે ઉત્તર આપ્યો, “તું દેવનો ખ્રિસ્ત છે.”

²¹ ઈસુએ તેઓને કોઈને પણ નહિ કહેવા માટે ચેતવણી આપી.