Matye 26:26-30

Nouvo Testaman: Vèsyon Kreyòl Fasil

Repa Senyè a

(Mak 14:22-26; Lik 22:15-20; 1 Kor 11:23-25)

²⁶ Pandan yo t ap manje konsa, Jezi pran pen an, li di Bondye mèsi, epi li kase l bay disip yo. Li di yo: “Sa a se kò mwen. Pran, epi manje.”

²⁷ Apre sa li pran yon vè diven, li di Bondye mèsi, epi li bay disip li yo. Li di yo: “Chak moun, bwè ladan l! ²⁸ Sa a se san mwen k ap siyen nouvo kontra a. L ap koule pou padon peche anpil moun. ²⁹ M ap di nou sa: Mwen p ap bwè diven sa a ak nou ankò, jouk lè mwen va bwè l ankò ak nou nouvo diven an nan wayòm Papa m nan.”

³⁰ Apre yo chante kèk kantik, yo ale sou Mòn Olivye a.