Salmo 115

Ang Salita ng Dios (Tagalog Contemporary Bible)

³ Ang aming Dios ay nasa langit,
    at ginagawa niya ang kanyang nais.
⁴ Ngunit ang kanilang mga dios ay yari sa pilak at ginto na gawa lang ng tao.
⁵ May bibig sila, ngunit hindi nakakapagsalita;
    may mga mata, ngunit hindi nakakakita.
⁶ May mga tainga, ngunit hindi nakakarinig;
    may ilong, ngunit hindi nakakaamoy.
⁷ May mga kamay, ngunit hindi nakakahawak;
    may mga paa, ngunit hindi nakakalakad,
    at kahit munting tinig ay wala kang marinig.
⁸ Ang mga gumawa ng mga dios-diosan at nagtitiwala rito ay matutulad sa mga ito.

^9-10 Kayong mga mamamayan ng Israel at kayong mga angkan ni Aaron,
    magtiwala kayo sa Panginoon.
    Siya ang tutulong at mag-iingat sa inyo.
¹¹ Kayong mga may takot sa Panginoon,
    magtiwala kayo sa kanya.
    Siya ang tutulong at mag-iingat sa inyo.
¹² Hindi tayo kinakalimutan ng Panginoon,
    pagpapalain niya ang mga mamamayan ng Israel at ang mga angkan ni Aaron.
¹³ Pagpapalain niya ang lahat ng may takot sa kanya, dakila man o aba.
¹⁴ Paramihin sana kayo ng Panginoon,
    kayo at ang inyong mga angkan.
¹⁵ Sanaʼy pagpalain kayo ng Panginoon na lumikha ng langit at ng lupa.
¹⁶ Ang kalangitan ay sa Panginoon, ngunit ang mundo ay ipinagkatiwala niya sa mga tao.
¹⁷ Ang mga patay ay hindi na makakapagpuri sa Panginoon, dahil sila ay nananahimik na.
¹⁸ Tayong mga buhay ang dapat magpuri sa Panginoon ngayon at magpakailanman.

    Purihin ang Panginoon!